اپنا سوڈا گاڑی توڑ پھوڑ معاملہ ، 6 افراد پر مارپیٹ ، فساد برپا کرنے اور ہتھیار استعمال کرنے کا مقدمہ درج
مالیگاؤں / پولیس کنٹرول روم سے ملی تفصیلات کے مطابق 16 اپریل 2021 کی رات ایک بجے سے ڈیڑھ بجے کے درمیان قدوائی روڈ جنتا لاج کے پاس ہوئے سوڈا گاڑی کی توڑ پھوڑ اور مارپیٹ معاملے میں سٹی پولیس نے 6 افراد کے خلاف مارپیٹ ، فساد برپا کرنے اور ہتھیاروں کا آزادنہ استعمال کرنے جیسی سنگین دفعات کے تحت مقدمہ درج کیا ہے ۔
تفصیلات کے مطابق فریادی شیخ سراج احمد فقیر محمد عمر 42 سال کاروبار سوڈے کی گاڑی ساکن سروے نمبر 56 کسمبا روڈ پلاٹ نمبر 53 جنتا بینک کے پاس نے سٹی پولیس اسٹیشن میں فریاد دی کے 16 اپریل کی رات ایک سے ڈیڑھ بجے کے درمیان سوڈے کی گاڑی پر کام کرنے والا سلمان نامی لڑکا پیری چوک جنتا لاج کے پاس پانی بھرنے گیا تھا کہ اسی دوران ملزم نمبر 1 سے 6 وہاں پر آئے اور 13 اپریل کو فریادی کے بھائی کے ساتھ پیسے مانگنے پر ہوئے تنازعہ کو لیکر ہاتھوں میں تلوار اور کلہاڑی جیسے دھاردار ہتھیار لیکر مارپیٹ کرتے ہوئے سوڈے کی گاڑی کی توڑ پھوڑ کرتے ہوئے نقصان پہنچایا اور گَلّے میں رکھے ہوئے 15 سو روپے لیکر چلے گئے ،
سٹی پولیس نے شیخ سراج کی فریاد پر ملزم نمبر (1) شیخ یعقوب عبدالرشید ساکن ملا باڑه ، (2) شیخ فرید عبدالرشید ، ملا باڑه ، 3) بِلّا دادا (نام پتہ نہیں ) ، (4) مظہر دادا (پورا نام پتہ نہیں) ، (5) محمّد عبدالرشید ، کمالپورہ ، (6) محمّد اخلاق عبدالرشید ، کمالپورہ مالیگاؤں کے خلاف گناہ رجسٹر نمبر 24/021 قلم 143 , 144, 146, 147 , 148 , 149 , 504 , 506 , 427, 188, 269 , 270 , 461 , آرم ایکٹ 4/25 و 3 ، 4 ، 5، ڈیزاسٹر منیجمنٹ ایکٹ 56 کے تحت مقدمہ درج کیا ہے دیگر تحقیقات پی ایس آئے ایم ٹی گائکر کررہے ہیں ۔
تبصرے
ایک تبصرہ شائع کریں