بنگال کی عوام نے دیا اسدالدین اویسی کو بڑا جھٹکا ایم آئی ایم کے امیدواروں کی ہوئی ضمانت ضبط۔
بنگال کی عوام نے دیا اسدالدین اویسی کو بڑا جھٹکا ایم آئی ایم کے امیدواروں کی ہوئی ضمانت ضبط۔
کولکاتہ : گزشتہ سال بہار اسمبلی اتنخابات میں غیرمتوقع کامیابی حاصل کرنے والی اے آئی ایم آئی ایم کو مغربی بنگال میں زور کا جھٹکا لگا ہے ۔ پارٹی سربراہ اسد الدین اویسی جب مغربی بنگال میں الیکشن لڑنے کیلئے پہنچے تھے ، تب میڈیا میں کافی سرخیاں بنی تھیں ۔ ممتا بنرجی نے بھی ان پر نشانہ سادھا تھا ، لیکن اب الیکشن نتائج بتا رہے ہیں کہ اے آئی ایم آئی ایم کو بنگال میں مایوسی ہاتھ لگی ہے ۔
ریاست میں اویسی نے صرف سات سیٹوں پر ہی امیدوار اتارے تھے ۔ یہ سیٹیں اتہار ، جنگلی ، ساگردگھی ، بھرت پور ، مالتی پور ، رتوآ اور آسنسول ہیں ، لیکن ان میں سے کسی بھی سیٹ پر اے آئی ایم آئی ایم کو کامیابی نہیں ملی ۔ پارٹی امیدواروں کو نہ صرف ہار ملی بلکہ ان کی ضمانت بھی ضبط ہوگئی ۔
الیکشن سے پہلے کہا جارہا تھا کہ بہار کی طرز پر اویسی بنگال میں بھی مسلم ووٹوں کی تقسیم کرسکتے ہیں ، لیکن ایسا نہیں ہوا ۔ حالانکہ شروعات میں فرفرہ شریف کے مذہبی رہنما کے ساتھ ان کے اتحاد کی باتیں کہی جارہی تھیں ، لیکن یہ اتحاد نہیں ہوپایا ۔ اس سے پہلے تک امید کی جارہی تھی کہ اویسی زیادہ سیٹوں پر امیدوار اتاریں گے ۔
بتادیں کہ اسمبلی انتخابات میں تیسری مرتبہ ترنمول کانگریس پھر سے اقتدار میں آئی ہے ۔ پارٹی کو دو سو سے زیادہ سیٹوں پر جیت حاصل ہوئی ہے ۔ ممتا بنرجی نے جیت کے بعد عوام کا شکریہ ادا کیا ہے ۔ تقریبا دو مہینے بعد کھڑے ہوکر ممتا بنرجی نے پریس کانفرنس کو خطاب کرتے ہوئے کہا کہ یہ بنگال کے لوگوں اور جمہوریت کی جیت ہے ۔ بنگال نے آج ہندوستان کو بچالیا ہے ۔
تبصرے
ایک تبصرہ شائع کریں