مسلم ریزرویشن کے لیے جرانگے پاٹل اور مسلم کمیونٹی متحد ہو کر جد و جہد کرینگی

مسلم ریزرویشن کے لئے جرانگے پاٹل اورمسلم کمیونٹی متحد ہوکرجدوجہد کرے گی

نیشنل جنرل سکریٹری انظر خان کی صدارت میں آل انڈیا علماء بورڈکی میٹنگ میں فیصلہ

ممبئی (شیخ جاوید ندوی کے ذریعے)سچر کمیٹی، رنگ ناتھ مشرا کمیشن اور محمودالرحمن کمیٹی کے ذریعے مسلمانوں کو معاشی پسماندگی کی بنیاد پر ریزرویشن دینے کی سفارشات کے باوجود مہاراشٹر حکومت اس معاملے میں غیر سنجیدہ ہے۔اس طرح کا اظہار خیال آل انڈیا علماء بورڈ کےنیشنل جنرل سکریٹری انظر خان نے ممبئی میںمنعقدہ آل انڈیا علماء بورڈ کے اجلاس سے کیا۔گذشتہ کئی سالوںسے مسلمانو ںکو ریزرویشن دلانے کے لئے مستقل کوششیں اور جدوجہد جاری ہیں۔ مسلمانوں کے لیے تعلیم اور نوکریوں میں ریزرویشن کی سمت میں فیصلہ کن اقدامات اور مسلمانوں کے لیے ریزرویشن کے حصول کو یقینی بنانے کے لیے ایک لائحہ عمل مرتب کرنے کی غرض سے مسلم کمیونٹی کے دانشوروں، اسکالرز اور قانون سازوں کو مدعو کر آل انڈیا علماء بورڈ نے ممبئی میں ایک اجلا س منعقد کیا۔اجلاس میںمتفقہ رائے سے فیصلہ کیا گیا کہ ریاست مہاراشٹر میں مسلم کمیونٹی ریزرویشن کے لیے جدوجہد کرے گی اور منوج جارنگے پاٹل اور مسلم کمیونٹی اکٹھے ہوں گے۔ اس اجلاس میں طئے کیاگیا کہ مسلم کمیونٹی کی جانب سے ہر ضلع اور شہر میں ریزرویشن کمیٹیاں تشکیل دے کر بڑے پیمانے پر تاریخی احجاجات کا سلسلہ شروع کیا جائے گا جس کا آغاز عنقریب ہوجائے گاان احتجاجات میں ہمیں مراٹھا ریزرویشن کے لیڈر منوج جرانگے پاٹل کا مکمل ساتھ رہے گا کیونکہ انہیں اس بات کا قوی احساس ہے کہ مراٹھا ریزرویشن کے لئے مراٹھابرادری کے قدم بہ قدم مسلمانوں نے بھی  انتھک محنت اور جدوجہد کی ہے۔ انظر خان نے نامہ نگاروں سے بات چیتکےدوران  کہا کہ سابقہ حکومت کے ذریعے مراٹھوں کو 16فیصداور مسلمانوں کو5فیصدریزرویشن دیا گیا تھا جسے ہائیکورٹ میں چیلنج کیا گیا ،تب عدلیہ نے مراٹھا ریزرویشن رد کردیا تھا اور مسلمانوں کیلئے اعلیٰ تعلیم میں ریزرویشن جائز قراردیاگیا تھا لیکن موجودہ حکومت عدلیہ کے فیصلے کو بھی نظر انداز کرکے لاکھوں غریب پسماندہ مسلم نوجوانوں کو حصول علم کے حق سے محروم کررہی ہے۔مزید کہا کہ اگر ریاست مہاراشٹر میں مسلمانوں کے ساتھ ناانصافی ہوگی تو مہاراشٹر کبھی ترقی کی منزل نہیں پاسکے گا۔انھوں نے مہاراشٹر کے مسلمانوں سے خصوصی طور پر اپیل کی کہ وہ اپنے حق کی لڑائی کے لئے ہماراساتھ دے۔کیونکہ کوشش کرنا ہمارا حق ہے اور باقی اللہ پر چھوڑدیں۔اس اجلاس میں میمن فیڈریشن کے صدر اقبال میمن، علماء بورڈ نیشنل جنرل سیکرٹری انظرانور خان،ماہم درگاہ و حاجی علی درگاہ کے چیرمین سہیل کھنڈوانی، ایم آئی ایم کے ترجمان وارث پٹھان، عارف باپو میمن، رحیم پٹنی، راجو جاگیردار، مصطفی شیخ، مولانا جاویدندوی ، مفتی نعیم، مفتی سمیع اللہ، شکیل بھائی، نبیل بھائی، شیباز شیخ، عزیز بھائی ، اظہر ودیگر عہدیداران وکارکنان بڑی تعداد میں موجود تھے۔یہ اجلاس علماء بورڈ کے جنرل سیکرٹری انظرانور خان کی جانب سے منعقد کیاگیا۔